കണ്ണൂർ : കണ്ണൂർ സർവകലാശാലയിലെ പ്രൈവറ്റ് മേഖലയിലെ വിദ്യാർഥികളുടെ പ്രശ്നങ്ങൾ പരിഹരിക്കണമെന്ന് എ.ബി.വി.പി ആവശ്യപ്പെട്ടു. പ്രൈവറ്റ് വിദ്യാർഥികളുടെ ബി.എ. ഒന്നാംവർഷ ഇംഗ്ലീഷ്, ഹിസ്റ്ററി കോഴ്സുകളുടെ സിലബസ് അനിശ്ചിതത്വത്തിലായതിനാൽ പഠനം ആരംഭിക്കാൻ സാധിക്കാത്ത അവസ്ഥയാണ്.
റഗുലർ വിദ്യാർഥികൾക്ക് ഒന്നാംവർഷ ക്ലാസുകൾ ആരംഭിച്ചിട്ടും പ്രൈവറ്റ് വിദ്യാർഥികളുടെ പ്രവേശന നടപടി ആരംഭിക്കാത്തത് പ്രൈവറ്റ് വിദ്യാർഥികളോടുള്ള അവഗണനയാണ്. രണ്ടാംവർഷം പഠിക്കുന്ന വിദ്യാർഥികളുടെ ഒന്നാംവർഷ പരീക്ഷ നടത്തുക, ഒന്നാംവർഷ ഡിഗ്രി, പി.ജി. പ്രവേശന നടപടികൾ ആരംഭിക്കുക എന്നീ ആവശ്യങ്ങൾ പരിഗണിക്കണമെന്ന് എ.ബി.വി.പി. സംസ്ഥാനസമിതിയംഗം ആകാശ് ദിനേശ് ആവശ്യപ്പെട്ടു.