കോട്ടയം : നിര്മ്മാതാവ് ജോസഫ് എബ്രഹാം അന്തരിച്ചു. കോട്ടയത്ത് വച്ചായിരുന്നു അന്ത്യം. എഴുപത്തിനാല് വയസായിരുന്നു. ഓളങ്ങള്, യാത്ര, ഊമക്കുയില്, കൂടണയും കാറ്റ് എന്നീ സിനിമകള് നിര്മ്മിച്ചിട്ടുണ്ട്. ഏറെക്കാലമായി അര്ബുദ ബാധിതനായി ചികിത്സയിലായിരുന്നു. കോട്ടയം ഗസ്റ്റ് ഹൗസിന് സമീപമുള്ള വസതിയിലായിരുന്നു താമസം. ശനിയാഴ്ച് ആയിരിക്കും സംസ്കാരമെന്ന് അടുത്ത ബന്ധുക്കള് അറിയിച്ചു.
മമ്മൂട്ടി, ശോഭന എന്നിവര് പ്രധാനവേഷങ്ങളില് എത്തിയ ചിത്രമാണ് 1985ല് പുറത്തിറങ്ങിയ യാത്ര. അടിയന്തരാവസ്ഥക്കാലത്ത് പോലീസും ജയില് അധികൃതരും നടത്തിയ മനുഷ്യാവകാശ ലംഘനങ്ങളുടെ പശ്ചാത്തലത്തിലുള്ള കഥയാണ് യാത്രയുടെ പ്രമേയം. എറിക് സൈഗളിന്റെ കഥയില് ബാലു മഹേന്ദ്ര സംവിധാനം ചെയ്ത് 1982ല് പുറത്തിറങ്ങിയ മലയാള ചിത്രമാണ് ഓളങ്ങള്.
