ചെന്നൈ : തമിഴ് നിര്മ്മാതാവ് വി സ്വാമിനാഥന്(67) കോവിഡ് ബാധിച്ച് മരിച്ചു. ചെന്നൈയിലെ സ്വകാര്യ ആശുപത്രിയിലായിരുന്നു അന്ത്യം. ഏതാനും ദിവസങ്ങള്ക്ക് മുന്പാണ് സ്വാമിനാഥന് കോവിഡ് സ്ഥിരീകരിച്ചത്. അന്ന് മുതല് ആശുപത്രിയില് ചികിത്സയിലായിരുന്നു. ഇന്ന് രാവിലെ രോഗം വഷളാവുകയും അന്ത്യം സംഭവിക്കുകയുമായിരുന്നു.
തമിഴ്നാട്ടിലെ പ്രശസ്ത പ്രൊഡക്ഷന് ഹൗസായ ലക്ഷ്മി മൂവി മേക്കേഴ്സിന്റെ ഉടമയായിരുന്നു സ്വാമിനാഥന്. കെ മുരളീധരന്, ജി വേണുഗോപാല് എന്നിവരും കമ്പിനി ഉടമകളാണ്. തമിഴ് ചിത്രങ്ങള് നിര്മ്മിക്കുന്നതിനു പുറമേ ഏതാനും ചിത്രങ്ങളില് സ്വാമിനാഥന് സപ്പോര്ട്ടിംഗ് റോളുകളും ചെയ്തിട്ടുണ്ട്. ഭാര്യ ലളിത. അശോക്, അശ്വിന് എന്നിവരാണ് മക്കള്. അശ്വിന് (കുംകി അശ്വിന്) തമിഴ് സിനിമാനടനാണ്. ലോക്ഡൗണിനിടെയാണ് അശ്വിന് വിവാഹിതനായത്. സ്വാമിനാഥന്റെ മരണത്തില് സംവിധായകന് പൊന്റാം, ശന്തനു ഭാഗ്യരാജ് തുടങ്ങി നിരവധി താരങ്ങള് ആദരാഞ്ജലികള് അര്പ്പിച്ചു.
