കോന്നി : വിലക്കയറ്റത്തിനും തൊഴിലില്ലായ്മയ്ക്കും കേന്ദ്രത്തിൻ്റെ തെറ്റായ നയങ്ങൾക്കുമെതിരെ എൽഡിഎഫ് നേതൃത്വത്തിൽ കോന്നിയിൽ നടത്തിയ പ്രതിഷേധ കൂട്ടായ്മ സിപിഐ എം ജില്ലാ കമ്മിറ്റി അംഗം അഡ്വ.കെ യു ജനീഷ് കുമാർ ഉദ്ഘാടനം ചെയ്തു. സിപിഐ മണ്ഡലം സെക്രട്ടറിയേറ്റംഗം എ ദീപു കുമാർ അധ്യക്ഷനായി. സിപിഐ എം ഏരിയ സെക്രട്ടറി ശ്യാംലാൽ, കേരള കോൺഗ്രസ് (എം) മണ്ഡലം പ്രസിഡൻ്റ് എബ്രഹാം വാഴയിൽ, കേരള കോൺഗ്രസ് (ബി ) മണ്ഡലം പ്രസിഡൻ്റ് പി ആർ രാമചന്ദ്രൻ പിള്ള, സിപിഐ എം ഏരിയ കമ്മിറ്റി അംഗങ്ങളായ പി എസ് കൃഷ്ണകുമാർ ,എം എസ് ഗോപിനാഥൻ, തുളസി മണിയമ്മ എന്നിവർ സംസാരിച്ചു.
