തിരുവനന്തപുരം: പ്ലംബര് തസ്തികയിലേക്ക് പി.എസ്.സി തയ്യാറാക്കിയ ചോദ്യങ്ങളില് ഭൂരിഭാഗവും സ്വകാര്യ ഗൈഡില്നിന്ന് കോപ്പിയടിച്ചതാണെന്ന ആരോപണത്തെ തുടര്ന്ന് പരീക്ഷ പി.എസ്.സി റദ്ദാക്കി. വ്യവസായ പരിശീലന വകുപ്പിലെ പ്ലംബര് തസ്തികയിലേക്ക് നടത്തിയ പരീക്ഷയാണ് പി.എസ്.സി റദ്ദാക്കിയത്. മാര്ച്ച് നാലിന് നടത്തിയ പരീക്ഷയാണ് റദ്ദാക്കിയത്. പുതുക്കിയ പരീക്ഷ തിയ്യതി പിന്നീട് അറിയിക്കും. പരീക്ഷയിലെ 90 ശതമാനം ചോദ്യങ്ങളും 2019ല് ഇറങ്ങിയ മനീഷ് മിശ്രയുടെ ‘പ്ലംബര് തിയറി’ എന്ന പുസ്തകത്തില് നിന്നാണ് പകര്ത്തിയത്.
100 ചോദ്യങ്ങളില് 93 ചോദ്യങ്ങളും ‘പ്ലംബര് തിയറി’യില് നിന്ന് പകര്ത്തുകയായിരുന്നു. ഗൈഡിലെ ഉത്തരം തെറ്റായി രേഖപ്പെടുത്തിയ ചോദ്യവും പി.എസ്.സി ചോദ്യത്തില് ആവര്ത്തിച്ചിട്ടുണ്ട്. 2019ല് നീല്കാന്ത് പബ്ലിഷേഴ്സ് പുറത്തിറക്കിയതാണ് ഈ പുസ്തകം. വ്യവസായ പരിശീലന വകുപ്പിലെ ജൂനിയര് ഇന്സ്ട്രക്ടര് അഥവാ പ്ലംബറുടെ പോസ്റ്റിസ്റ്റിലേക്കുള്ള പരീക്ഷയിലാണ് ഈ കോപ്പിയടി ചോദ്യങ്ങള് നല്കിയത്.
