പത്തനംതിട്ട : കുന്നംകുളം പോലീസ് സ്റ്റേഷനിൽ യൂത്ത് കോൺഗ്രസ് മണ്ഡലം പ്രസിഡന്റ് വി.എസ്. സുജിത്തിനെ കസ്റ്റഡിയിൽ ക്രൂരമായി മർദ്ദിച്ച പോലീസ് ഉദ്യോഗസ്ഥരെ സർവീസിൽ നിന്നും പിരിച്ച് വിടണമെന്ന് ആവശ്യപ്പെട്ട് കെ.പി.സി.സി ആഹ്വാനം അനുസരിച്ച് മലയാലപ്പുഴ, മൈലപ്ര മണ്ഡലം കോൺഗ്രസ് കമ്മിറ്റികളുടെ നേതൃത്വത്തിൽ നാളെ (സെപ്റ്റംബർ10- ബുധനാഴ്ച്ച) മലയാലപ്പുഴ പോലീസ് സ്റ്റേഷന് മുൻപിൽ ജനകീയ പ്രതിഷേധ സദസ്സ് നടത്തും.
രാവിലെ 10- മണിക്ക് ആരംഭിക്കുന്ന പ്രതിഷേധ സദസ്സ് ഡി.സി.സി സംഘടനാകാര്യ ജനറൽ സെക്രട്ടറി സാമുവൽ കിഴക്കുപുറം ഉദ്ഘാടനം ചെയ്യും. മലയാലപ്പുഴ മണ്ഡലം പ്രസിഡന്റ് ദിലീപ്കുമാർ പൊതീപ്പാട് അദ്ധ്യക്ഷത വഹിക്കും. ഡി.സി.സി ജനറൽ സെക്രട്ടറി എം.വി ഫിലിപ്പ്, മൈലപ്ര മണ്ഡലം പ്രസിഡന്റ് വിത്സൺ തുണ്ടിയത്ത് മറ്റ് നേതാക്കൾ എന്നിവർ പ്രസംഗിക്കും.
