റാന്നി: പേഴുംമ്പാറ നിവാസികളുടെ ശുദ്ധജല ആവശ്യങ്ങൾ നിറവേറ്റിയിരുന്ന പഞ്ചായത്ത് പൊതുക്കിണർ ഇടതുയുവജന സംഘടനയുടെ നേതൃത്വത്തിൽ ശുചീകരിച്ചു. കഴിഞ്ഞ കുറേ വർഷങ്ങളായി കൈയ്യേറ്റഭീഷണിയിൽ നിലനിൽക്കുന്ന സ്ഥലത്താണ് ഈ പൊതുക്കിണർ. വടശ്ശേരിക്കര പഞ്ചായത്തിൽ ശുദ്ധജല ലഭ്യതകുറവും റവന്യൂ ഭൂമികയ്യേറ്റവും ഉള്ള സ്ഥലങ്ങളിൽ ഒന്നാണ് പേഴുംമ്പാറ.ഈ സംഭവങ്ങള് അധികൃതരും പഞ്ചായത്തും ബോധപൂർവ്വം അവഗണിച്ചമട്ടാണെന്ന് നാട്ടുകാര് ആരോപിക്കുന്നു. കിണറും പരിസരവും കയ്യേറിയ സ്ഥലവും പഞ്ചായത്ത് മുൻകയ്യെടുത്തു സംരക്ഷിക്കണമെന്നാണ് നാട്ടുകാരുടെ ആവശ്യം.
