പത്തനംതിട്ട : വേനൽ മഴയെ തുടർന്ന് കൃഷിനാശം സംഭവിച്ച കവിയൂർ പുഞ്ച, ജോസഫ് എം. പുതുശ്ശേരി കൃഷിക്കാരോടൊപ്പം സന്ദർശിച്ചു. പാടശേഖരസമിതി പ്രസിഡന്റ് കെ. അനിൽകുമാർ, യുഡിഎഫ് നിയോജക മണ്ഡലം ചെയർമാൻ ലാലു തോമസ്, മുനിസിപ്പൽ കൗൺസിലർ സജി മാത്യു, സഹകരണ ബാങ്ക് പ്രസിഡന്റ് പി. എസ്. ലാലൻ, റെജി കണ്ണോത്ത് തുടങ്ങിയവർ സന്നിഹിതരായിരുന്നു. വേനൽ മഴയെ തുടർന്ന് വൻ കൃഷിനാശമാണ് ഉണ്ടായിരിക്കുന്നത്.
വെള്ളം കെട്ടിക്കിടക്കുന്നത് കൊണ്ട് കൊയ്ത്ത് യന്ത്രം ഇറക്കാൻ കഴിയില്ല. നെല്ലു വീണുകിടക്കുന്നത് കൊണ്ട് നെൽകതിരുകൾ വെള്ളത്തിൽപ്പെട്ടു കിടക്കുകയാണ്.
വിളവെടുക്കേണ്ട സന്ദർഭത്തിൽ എല്ലാം നഷ്ടപ്പെട്ട അവസ്ഥയിലായ കർഷകർ പകച്ചു നിൽക്കുകയാണ്. പ്രതിസന്ധിയുടെ ഗൗരവം കണക്കിലെടുത്ത് കർഷകർക്ക് അടിയന്തര നഷ്ടപരിഹാരം നൽകാൻ സർക്കാർ തയ്യാറാവണമെന്നു പുതുശ്ശേരി അവശ്യപ്പെട്ടു .
