ബംഗളൂരു: പൂജ അവധിയോടനുബന്ധിച്ച് കേരളത്തിലേക്ക് പ്രത്യേക ബസ് സര്വിസ് നടത്തുമെന്ന് കര്ണാടക ആര്.ടി.സി അറിയിച്ചു. സെപ്റ്റംബര് 30 മുതല് ഒക്ടോബര് ഒന്പതുവരെയാണിത്. കണ്ണൂര്, കോഴിക്കോട്, എറണാകുളം, പാലക്കാട്, തൃശൂര്, കോട്ടയം തുടങ്ങിയ സ്ഥലങ്ങളിലേക്കാണ് സര്വീസ്. മൈസൂരു റോഡ് ബസ്സ് സ്റ്റേഷന്, ശാന്തിനഗര് ബസ്സ് സ്റ്റേഷന് എന്നിവിടങ്ങളില് നിന്നാണ് ബസുകള് പുറപ്പെടുക. നാലോ അതില് അധികമോ യാത്രക്കാര് ഒന്നിച്ച് ടിക്കറ്റെടുത്താല് അഞ്ചുശതമാനം കിഴിവ് ലഭിക്കും. മടക്കയാത്രക്കടക്കം ഒരുമിച്ച് ടിക്കറ്റ് ബുക്ക് ചെയ്താല് 10 ശതമാനം ഇളവുണ്ട് . നിലവില് സെപ്റ്റംബര് 30, ഒക്ടോബര് ഒന്ന് ദിവസങ്ങളിലെ സര്വിസുകളാണ് പ്രഖ്യാപിച്ചത്. ബാക്കിയുള്ളത് വരും ദിവസങ്ങളില് പ്രഖ്യാപിക്കും.
സര്വിസുകള് ഇങ്ങനെ – സെപ്റ്റംബര് 30ന് ബംഗളൂരുവില് നിന്ന് എറണാകുളത്തേക്ക് ഐരാവത് ക്ലബ് ക്ലാസ് സര്വിസ്. സമയം രാത്രി ഒന്പത്. അന്ന് തന്നെ എറണാകുളത്തേക്ക് രാത്രി 9.14ന് സര്വീസ്. അന്ന് തന്നെ കോട്ടയത്തേക്ക് 8.24, 8.32 എന്നീ സമയങ്ങളില് രണ്ട് സര്വീസുകള്. സെപ്റ്റംബര് 30ന് പാലക്കാട്ടേക്ക് രാത്രി 9.48ന് ബസ് ഉണ്ട്. സെപ്റ്റംബര് 30ന് തന്നെ തൃശൂരിലേക്ക് 9.20ന് സര്വീസ്. ഒക്ടോബര് ഒന്നിന് എറണാകുളത്തേക്ക് രാത്രി ഒന്പത്, കോട്ടയത്തേക്ക് 8.24, പാലക്കാട്ടേക്ക് 9.48, തൃശൂരിലേക്ക് 9.28 എന്നീ സമയങ്ങളിലും പ്രത്യേക സര്വീസുകളുണ്ട്. ഐരാവത് ക്ലബ് ക്ലാസ് ബസുകളാണ് എല്ലാ സര്വീസുകളിലും ഓടുക.
