തിരുവല്ല : ലോക്ക് ഡൗൺ കാലത്ത് ഇങ്ങനെയും ചില അധ്യാപകർ. അടഞ്ഞു കിടക്കുന്ന തങ്ങളുടെ സ്കൂളിലെ ഉപകരണങ്ങൾ നശിച്ചു പോകാതെ വൃത്തിയാക്കി പെയിന്റ് ചെയ്ത് മനോഹരമാക്കുകയാണ് ഇവർ. സ്കൂളുകൾ തുറക്കുന്നത് സംബന്ധിച്ച് ഇപ്പോഴും വ്യക്തത വന്നിട്ടില്ല. അതുകൊണ്ടുതന്നെ ഉപകരണങ്ങളൊക്കെ നശിച്ചുപോകുവാന് സാധ്യത ഏറെയാണ്. ഇതിനൊരു പരിഹാരം എന്നനിലയിലാണ് പ്രധാനാദ്ധ്യാപിക ബിന്ദു പട്ടേരിലിന്റെ നേതൃത്വത്തിൽ മിനി എബ്രഹാം, ഷൈജു പിലാതെരിൽ എന്നി അധ്യാപകർ ഈ പ്രവർത്തനങ്ങളിലൂടെ മറ്റുള്ളവര്ക്ക് മാതൃക ആയത്.
