പുനലൂര് : പുനലൂരില് അഞ്ച് അന്യസംസ്ഥാന തൊഴിലാളികള്കൂടി നിരീക്ഷണത്തില്. പുനലൂരില് മൊത്തം 62 ഇതര സംസ്ഥാനക്കാരാണ് ഗൃഹനിരീക്ഷണത്തില് കഴിയുന്നത് . ഇതില് 11 പേരുടെ സ്രവം പരിശോധനക്കായി അയച്ചു . അതേസമയം കോവിഡ് നിരീക്ഷണ കാലാവധി കഴിഞ്ഞ എട്ടുപേരെ വിട്ടയച്ചതായി ആരോഗ്യവകുപ്പ് അറിയിച്ചു .
കുളത്തൂപ്പുഴയിലും രോഗവ്യാപനം കണ്ടെത്തിയ സാഹചര്യത്തില് പുനലൂര് താലൂക്ക് ആശുപത്രിയില് ഇതേവരെ 234 പേരുടെ സ്രവം പരിശോധനയ്ക്കായി ശേഖരിച്ചിട്ടുണ്ട്. കൊറോണ കേന്ദ്രമാക്കി മാറ്റിയ പുനലൂരിലെ സ്വകാര്യ ആശുപത്രിയില് 27 പേരും ഹോട്ടലില് ഒന്പത് പേരും നിരീക്ഷണത്തില് കഴിയുന്നുണ്ട് . കൂടുതല് പേരെ പാര്പ്പിക്കുന്നതിനായി പുനലൂരില് ഒരു ഹോട്ടല്കൂടി ഏറ്റെടുത്തു . പുനലൂരില് കോവിഡ്-19 സ്ഥിരീകരിച്ച ദമ്പതിമാര് പാരിപ്പള്ളി മെഡിക്കല് കോളേജ് ആശുപത്രിയില് ചികിത്സയിലാണ്. ഡല്ഹിയിലെ നിസാമുദീനില് തബ്ലീഗ് സമ്മേളനത്തില് പങ്കെടുത്തവരാണിവര്.
The post പുനലൂരില് അഞ്ച് ഇതരസംസ്ഥാന തൊഴിലാളികള്കൂടി നിരീക്ഷണത്തില് appeared first on Pathanamthitta Media.
