കോന്നി : പുനലൂർ മൂവാറ്റുപുഴ സംസ്ഥാന പാത നിർമ്മാണ പ്രവർത്തനങ്ങളുമായി ബന്ധപ്പെട്ട് മുറിഞ്ഞകല്ലിൽ നടക്കുന്ന നിർമ്മാണ പ്രവർത്തനങ്ങളിൽ റോഡിൽ വാഹനങ്ങൾ നിയന്ത്രിക്കുവാൻ ആളില്ലെന്ന് നാട്ടുകാരുടെ പരാതി. അതിരുംകൽ പോത്തുപാറ ഭാഗത്ത് നിന്ന് വരുന്ന ടിപ്പർ ലോറികൾ ഉൾപ്പെടെ ഉള്ള വാഹനങ്ങൾ മുറിഞ്ഞകല്ലിൽ എത്തിയാണ് പ്രധാന റോഡുകളിലേക്ക് പോകുന്നത്. കഴിഞ്ഞ ദിവസം മുറിഞ്ഞകല്ലിൽ റോഡിൻറെ ഒരു ഭാഗം ജെ സി ബി ഉപയോഗിച്ച് ഇളക്കി മാറ്റി മിറ്റലിങ് നടത്തുന്ന ജോലികൾ ആണ് നടന്നത്.
എന്നാൽ ഇത്രയും തിരക്കുള്ള റോഡിൽ വാഹനങ്ങൾ ക്രമീകരിക്കാൻ കരാറുകാർ ആരെയും ചുമതലപ്പെടുത്തിയിട്ടില്ല. ഇതിനാൽ മണിക്കൂറുകൾ നീണ്ട ഗതാഗത കുരുക്കാണ് ഇവിടെ ഉണ്ടായത്. പ്രവൃത്തി ദിനം കൂടി ആയതിനാൽ രാവിലെയും വൈകിട്ടും ഇവിടെ ഉണ്ടായ ഗതാഗത കുരുക്ക് മണിക്കൂറുകൾക്ക് ശേഷമാണ് പൂർവ്വ സ്ഥിതിയിൽ ആയത്. സ്‌കൂൾ വാഹനങ്ങൾ അടക്കം ഈ വഴിയാണ് കടന്നുപോകുന്നത്. വിഷയത്തിൽ അടിയന്തിര പരിഹാരമുണ്ടാകേണ്ടത് ആവശ്യമാണ്.
