മലപ്പുറം : പുറത്തൂര് തോണി അപകടത്തില് കാണാതായ രണ്ടുപേരുടെ മൃതദേഹങ്ങള് കണ്ടെത്തി. മരിച്ചത് ഇട്ടികപ്പറമ്പില് അബ്ദുല് സലാം, കുഴിയിനിപ്പറമ്പില് അബൂബക്കര് എന്നിവർ. അപകടത്തില് ഇന്നലെ രണ്ടുപേര് മരിച്ചിരുന്നു. ഈന്തു കാട്ടിൽ ഹംസയുടെ ഭാര്യ റുഖിയ, വിളക്കത്ര വളപ്പിൽ മുഹമ്മദിന്റെ ഭാര്യ സൈനബ എന്നിവരാണ് മരിച്ചത്. പുറത്തൂർ ഭാരതപ്പുഴയിൽ കക്ക വാരുന്നതിനിടെയാണ് ആറംഗസംഘം കയറിയ തോണി മറിഞ്ഞത്. രണ്ടു സ്ത്രീകളെ രക്ഷപ്പെടുത്തി.വേലിയേറ്റ സമയമായിരുന്നതുകൊണ്ട് നിയന്ത്രണം വിട്ട് തോണി മറിയുകയായിരുന്നു. അപകടം നടന്നതിനു പിന്നാലെ നാട്ടുകാർ രക്ഷാപ്രവർത്തനം നടത്തി 4 സ്ത്രീകളെ ആലത്തൂരിലെ സ്വകാര്യ ആശുപത്രിയിൽ എത്തിച്ചെങ്കിലും 2 പേരുടെ ജീവനാണ് രക്ഷിക്കാനായത്.
പുറത്തൂര് തോണി അപകടത്തില് കാണാതായ രണ്ടുപേരുടെ മൃതദേഹങ്ങള് കണ്ടെത്തി
RECENT NEWS
Advertisment