കോട്ടയം: വോട്ടെണ്ണല് തുടങ്ങി ആദ്യ മണിക്കൂറിലെ ഫലസൂചനകള് പുറത്തുവരുമ്പോള് കോട്ടയം ജില്ലയില് പാലാ മണ്ഡലത്തില് ജോസ് കെ. മാണിയും പൂഞ്ഞാറില് പി.സി ജോര്ജും മുന്നിട്ട് നില്ക്കുന്നു. പുതുപ്പള്ളിയില് ഉമ്മന് ചാണ്ടിയും കോട്ടയത്ത് തിരുവഞ്ചൂര് രാധാകൃഷ്ണും ലീഡ് ചെയ്യുന്നു. ഈരാറ്റുപേട്ടയിലെ ബൂത്തുകള് എണ്ണിയപ്പോഴാണ് പി.സി ജോര്ജ് മുന്നിട്ട് നില്ക്കുന്നത്.
140 മണ്ഡലങ്ങളിലേക്ക് ഏപ്രില് ആറിനു നടന്ന തെരഞ്ഞെടുപ്പില് പോസ്റ്റല് വോട്ട് ഒഴികെ 74.06 ശതമാനം ആയിരുന്നു പോളിങ്. സ്വര്ണക്കടത്ത്, ശബരിമല, പിന്വാതില് നിയമനം, പിഎസ് സി നിയമനനിരോധനം, ആഴക്കടല് മത്സ്യബന്ധനക്കരാര് തുടങ്ങി നിരവധി വിഷയങ്ങളാണ് ഇക്കുറി ചര്ച്ചാവിഷയമായത്.
