20.7 C
Pathanāmthitta
Tuesday, January 18, 2022 7:44 am
- Advertisment -

ലോക ബാഡ്മിന്റണ്‍ ; പിവി സിന്ധു ക്വാര്‍ട്ടറില്‍

മാഡ്രിഡ് : ലോക ബാഡ്മിന്റൺ ചാമ്പ്യൻഷിപ്പിൽ ഇന്ത്യൻ താരം പിവി സിന്ധു ക്വാർട്ടർ ഫൈനലിൽ. തായ്ലൻഡ് താരം പോപാവീ ചോചുവാങ്ങിനെ നേരിട്ടുള്ള ഗെയിമുകൾക്ക് കീഴടക്കിയാണ് സിന്ധുവിന്റെ മുന്നേറ്റം. തുടർച്ചയായി ഏഴാം തവണയാണ് സിന്ധു ലോക ചാമ്പ്യൻഷിപ്പിന്റെ അവസാന എട്ടിലെത്തുന്നത്. ഒമ്പതാം സീഡായ ചോചുവാങ്ങിനെതിരെ മികച്ച പ്രകടനമാണ് ആറാം സീഡായ സിന്ധു പുറത്തെടുത്തത്.

ആദ്യ ഗെയിം 21-14ന് വിജയിച്ച സിന്ധു രണ്ടാം ഗെയിമിൽ അൽപം വിയർത്തു. 21-18ന് ഗെയിമും മത്സരവും സ്വന്തമാക്കി. മത്സരം 48 മിനിറ്റ് നീണ്ടുനിന്നു. പുരുഷ സിംഗിൾസിൽ ഇന്ത്യൻ താരങ്ങളായ കിദംബി ശ്രീകാന്തും എച്ച്എസ് പ്രണോയിയും ലക്ഷ്യാ സെന്നും പ്രീ ക്വാർട്ടർ പോരാട്ടത്തിനിറങ്ങും. പുരുഷ ഡബിൾസിൽ സ്വാതിക്സായ്രാജ് റെഡ്ഡി-ചിരാഗ് ഷെട്ടി സഖ്യവും വനിതാ ഡബിൾസിൽ അശ്വനി പൊന്നപ്പ-സിക്കി റെഡ്ഡി ജോഡിയും പ്രീ ക്വാർട്ടറിൽ മത്സരിക്കും.

- Advertisment -
Advertisment
Advertisment
- Advertisment -
- Advertisment -

Most Popular