തിരുവനന്തപുരം: പുതുവര്‍ഷത്തില്‍ പൊതുമരാമത്ത് വകുപ്പിലെ 716 ഓഫിസുകളിലും ഇ-ഓഫിസ് സംവിധാനം സജ്ജമായി. സമ്പൂര്‍ണ ഇ-ഓഫീസ് പ്രഖ്യാപനം പൊതുമരാമത്ത് മന്ത്രി പി.എ. മുഹമ്മദ് റിയാസ് ശനിയാഴ്ച തിരുവനന്തപുരത്ത് നിര്‍വഹിക്കും. രാവിലെ ഒമ്പതിന് പി.എം.ജിയിലെ പൊതുമരാമത്ത് കെട്ടിട ഉപവിഭാഗം ഓഫീസിലാണ് ഉദ്ഘാടനം.
ഇ-ഓഫീസ് നിലവില്‍ വരുന്നതോടെ വകുപ്പിലെ ഫയല്‍ നീക്കത്തിന് കൂടുതല്‍ വേഗവും സുതാര്യതയും കൈവരും. എന്‍.ഐ.സി വികസിപ്പിച്ച സോഫ്റ്റ്‌വെയര്‍ ഐ.ടി മിഷന്‍ മുഖേനയാണ് നടപ്പാക്കിയത്. ഓഫീസുകളില്‍ നെറ്റ്വര്‍ക്ക് സംവിധാനം നടപ്പാക്കുന്നത് പൊതുമരാമത്ത് ഇലക്‌ട്രോണിക്‌സ് വിഭാഗമാണ്. ഓഫീസുകളെ വി.പി.എന്‍ നെറ്റ്വര്‍ക്ക് വഴിയോ കെ-സ്വാന്‍ വഴിയോ ബന്ധിപ്പിച്ചാണ് സംവിധാനം നടപ്പാക്കുന്നത്.
