റാന്നി : പൊതുമരാമത്ത് വകുപ്പ് റോഡ് കൈയ്യേറി പൂട്ടുകട്ട പാകിയതായി പരാതി. ചെട്ടിമുക്ക്-വലിയകാവ്-പൊന്തന്പുഴ റോഡിലെ ചിറയ്ക്കല്പടിയിലാണ് സംഭവം. റോഡിന്റെ വശം ഉള്പ്പെടെ കൈയ്യേറി പൂട്ടുകട്ട പാകിയിരിക്കുകയാണ്. റോഡിനു സമീപം വ്യാപാര സ്ഥാപനം നിര്മ്മിച്ച സ്വകാര്യ വ്യക്തിയാണ് റോഡ് അനധികൃതമായി കൈയ്യേറിയത്. ടാറിംങ്ങിനോടു ചേര്ന്നാണ് പൂട്ടുകട്ട ഇട്ടിരിക്കുന്നത്. സംഭവം ചൂണ്ടിക്കാട്ടി പരാതി നല്കിയിട്ടും ബന്ധപ്പെട്ടവര് നടപടി സ്വീകരിക്കുന്നില്ലെന്നും ആക്ഷേപമുണ്ട്. അടിയന്തരമായി നടപടി സ്വീകരിക്കണമെന്നും കൈയ്യേറിയ വസ്തു തിരിച്ചു പിടിക്കണമെന്നും നാട്ടുകാര് പറഞ്ഞു.
