തിരുവല്ല : പത്തനംതിട്ട ജില്ലയിലെ ആദ്യത്തെ ക്വിക്ക് സർവീസ് -അർബൻ സർവീസ് ടീമിൻ്റെ ഉദ്ഘാടനം തിരുവല്ല നഗരസഭയിൽ നടന്നു. നഗരസഭ വൈസ് ചെയർമാൻ ജോസ് പഴയിടത്തിന്റെ അധ്യക്ഷതയിൽ ചെയർപേഴ്സൺ അനു ജോർജ് ഉദ്ഘാടനം നിർവഹിച്ചു. കുടുംബശ്രീ ജില്ലാ മിഷൻ കോർഡിനേറ്റർ ആദില എസ് ക്വിക്ക് സെർവ് കാൾ സെന്റർ നമ്പർ പ്രകാശനം ചെയ്തു. തിരുവല്ല ഈസ്റ്റ് കുടുംബശ്രീ സി. ഡി.എസ്സിന്റെ നേതൃത്വത്തിൽ ആണ് യൂണിറ്റിന്റെ പ്രവർത്തനം ആരംഭിച്ചത്. എൻ.യു.എൽ.എം മാനേജർ അജിത്.എസ് പദ്ധതി വിശദീകരണം നടത്തി.
ക്വിക്ക് സെർവ് പദ്ധതിയിലൂടെ ആദ്യഘട്ടത്തിൽ വീട്ടുജോലി, ഗൃഹ ശുചീകരണം, പാചകം, കിടപ്പുരോഗികളുടെയും കുട്ടികളുടെയും വൃദ്ധരുടെയും പരിചരണം, പ്രസവാനന്തര ശുശ്രുഷ, കാർ വാഷ്, വീടുകളിലെത്തിയുള്ള രക്തപരിശോധന എന്നീ സേവനങ്ങൾ ആവശ്യക്കാർക്ക് ലഭിക്കുന്നതാണ്. സേവനം ലഭിക്കുന്നതിനു നിശ്ചിത ഫീസ് അടക്കേണ്ടതാണ്. കൗൺസിലർമാരായ ശ്രീനിവാസ് പുറയാറ്റ്, മാത്യൂസ് ചാലക്കുഴി,സജി എം മാത്യു, റെജിനോൾഡ്, വിജയൻ തലവന, ശോഭ വിനു, അനു സോമൻ, റീനാ വിശാൽ, ശ്രീജ, ബിന്ദു പ്രകാശ്,അന്നമ്മ മത്തായി, ഇന്ദു ചന്ദ്രൻ, ഹെൽത്ത് സൂപ്പർവൈസർ ബിജു എസ്, ഈസ്റ്റ് ചെയർപേഴ്സൺ ഉഷാ രാജേന്ദ്രൻ, മെമ്പർ സെക്രട്ടറിമാരായ ഉമേഷിത,രേഖ, എം.ടി.പി. സെറിൻ സൂസൻ, സി.ഒ അനു വി ജോൺ,അക്കൗണ്ടന്റുമാരായ നിഷ,മോൻസി,വിവിധ വാർഡുകളിൽ നിന്നുള്ള കുടുംബശ്രീ അംഗങ്ങൾ എന്നിവർ പങ്കെടുത്തു.
