വള്ളംകുളം: ഗാന്ധിജി സ്വാതന്ത്ര്യ സമരത്തിലൂടെ പഠിപ്പിച്ച പാഠങ്ങള് ഇന്നും പഠനീയമാണെന്നും വിസ്മൃതമായ ഗാന്ധി പാഠങ്ങള് ഓര്ത്തെടുത്താല് മാത്രമേ ഏക ഭാരത സങ്കല്പം യാഥാര്ത്ഥ്യം ആകുകയുള്ളു എന്നും ഫാ. ചെറിയാന് രാമനാലില് കോര് – എപ്പിസ്കോപ്പ . പറഞ്ഞു. ഗാന്ധി പീസ് ഫൗണ്ടേഷന് പത്തനംതിട്ട ജില്ലാ സമിതിയുടെയും വൈഎംസിഎ തിരുവല്ല സബ് റീജന്റെയും സംയുക്ത ആഭിമുഖ്യത്തില് നടന്ന ക്വിറ്റ് ഇന്ത്യാ ദിനാചരണവും ഗാന്ധി – മാരിറ്റസ് ബര്ഗ് സംഭവത്തിന്റെ 130 വാര്ഷികവും നാഷണല് ഹൈസ് സ്കൂളില് ഉദ്ഘാടനം നടത്തുകയായിരുന്നു അദ്ദേഹം.
സബ് റീജന് ചെയര്മാന് ലിനോജ് ചാക്കോ അധ്യക്ഷത വഹിച്ചു. ഗാന്ധി പീസ് ഫൗണ്ടേഷന് ജില്ലാ പ്രസിഡന്റ് ഡോ. ജോസ് പാറക്കടവില് മുഖ്യപ്രഭാഷണം നടത്തി. സ്വാതന്ത്ര്യസമരകാലം ഭാരതീയരില് സൃഷ്ടിച്ച ദേശീയ ബോധവും ഗാന്ധിജി പഠിപ്പിച്ച ഏകതയുടെ സന്ദേശവും വിസ്മൃതമാകാതെ സൂക്ഷിക്കേണ്ടത് ഇന്ത്യയുടെ നിലനില്പ്പിന് അനുപേക്ഷണീയമാണെന്നും അദ്ദേഹം പറഞ്ഞു. ജനറല് കണ്വീനര് ജോജി പി. തോമസ്, പ്രധാന അധ്യാപകന് ദിലീപ് കുമാര്, കെ.സി മാത്യു, ഇലഞ്ഞിമൂട്ടില്, ബെന്സി തോമസ്, യൂണി വൈ സബ് റീജന് സെക്രട്ടറി ഷെര്വിന് മാത്യു, കുര്യന് ചെറിയാന്, രമേശ് ബാബു എന്നിവര് പ്രസംഗിച്ചു.
