തിരുവനന്തപുരം: മുന് മന്ത്രിയും കേരളകോണ്ഗ്രസ് ബി സ്ഥാപക നേതാവും മുന്നാക്ക വികസന കോര്പ്പറേഷന് ചെയര്മാനുമായ ആര് ബാലകൃഷ്ണ പിള്ളയുടെ (87) ആരോഗ്യ നില ഗുരുതരം. കടുത്ത ശ്വാസ തടസത്തെ തുടര്ന്ന് കൊട്ടാരക്കരയിലെ വിജയാസ് ആശുപത്രിയില് ചികിത്സയിലായിരുന്ന അദ്ദേഹത്തെ ഇന്നുരാവിലെയാണ് തിരുവനന്തപുരത്തെ സ്വകാര്യ ആശുപത്രിയിലേക്ക് മാറ്റിയത്. ഉറ്റ ബന്ധുക്കള് ഉള്പ്പടെയുള്ളവര് അദ്ദേഹത്തോടൊപ്പമുണ്ട്.
കുറച്ചുകാലമായി പ്രായാധിക്യത്തിന്റെ പ്രശ്നങ്ങളുമായി കഴിയുകയായിരുന്നു അദ്ദേഹം. ഗണേശിന് കോവിഡ് ബാധിച്ചപ്പോള് തെരഞ്ഞെടുപ്പു പ്രചരണം പിള്ള ഏറ്റെടുക്കുകയുണ്ടായി. നേരത്തെ തന്നെ മണ്ഡലത്തില് പ്രചാരണത്തിന് തുടക്കമിട്ടയാളാണ് കെ.ബി.ഗണേശ് കുമാര്. സ്ഥാനാര്ത്ഥിക്കായുള്ള ചുവരെഴുത്തുകളും ബോര്ഡുകളുമൊക്കെ മണ്ഡലത്തില് നിറയുകയും ചെയ്തു. ഇതിനിടെയാണ് അദ്ദേഹത്തിന് കോവിഡ് ബാധിച്ചത്. ഈ സാഹചര്യത്തിലാണ് പ്രായത്തിന്റെ അവശതകള് മാറ്റിവെച്ച് മകന് വോട്ടു തേടി അച്ഛന് ഇറങ്ങിയത്.
