പത്തനംതിട്ട : മുതിർന്ന കോൺഗ്രസ് നേതാവ് കടമ്മനിട്ട വാവോലിക്കൽ മിനി വിഹാറിൽ ആർ.തങ്കപ്പൻ നായർ (84) നിര്യാതനായി. സംസ്കാരം ശനിയാഴ്ച രാവിലെ 11 മണിക്ക് വീട്ടുവളപ്പിൽ. എക്സ് സർവീസ് മെൻ കോൺഗ്രസ് ജില്ലാ പ്രസിഡന്റ്, നാരങ്ങാനം മണ്ഡലം കോൺഗ്രസ് കമ്മിറ്റി പ്രസിഡന്റ്, കടമ്മനിട്ട ദേവി ക്ഷേത്രം പ്രസിഡന്റ്, എൻ.എസ്.എസ് കരയോഗം പ്രസിഡന്റ്, കേന്ദ്ര സർവീസ് പെൻഷനേഴ്സ് പ്രസിഡന്റ് എന്നീ നിലകളിൽ പ്രവർത്തിച്ചിട്ടുണ്ട്. ഒ.എൻ.ജി.സി സീനിയർ സെക്യൂരിറ്റി ഓഫീസർ, എയർ ഫോഴ്സ് ജൂനിയർ വാറണ്ട് ഓഫീസർ, ഇളകൊള്ളൂർ എൻ.എസ്.എസ് ഐ.ടി.സി പ്രിൻസിപ്പൽ പദവികളിലും ദീർഘകാലം സേവനം അനുഷ്ഠിച്ചിരുന്നു. കുറേക്കാലം സ്വകാര്യ കോളേജ് അധ്യാപകനായി പ്രവർത്തിച്ചിട്ടുണ്ട്.
ഭാര്യ : ചക്കനാട്ട് വെട്ടിലേത്ത് കുടുംബാംഗം ആർ.വിമലാദേവി (റിട്ടയേർഡ് ഹെഡ്മിസ്ട്രസ്). മക്കൾ : വി.ടി ജയശ്രീ (അമൃത ബോയ്സ് ഹൈസ്കൂൾ പറക്കോട്), വി.ടി കൃഷ്ണകുമാർ (യൂ.എൻ), വി.ടി ശ്രീകുമാർ (ബഹറിൻ), മരുമക്കൾ : അഡ്വ.വെട്ടൂർ ജ്യോതി പ്രസാദ് ( ജില്ലാ കോൺഗ്രസ് കമ്മിറ്റി വൈസ് പ്രസിഡന്റ്), എം.കെ സലിത (മുസ്ലിയാർ എഞ്ചിനീയറിംഗ് കോളേജ്)
