തിരുവനന്തപുരം : മൃഗസംരക്ഷണ വകുപ്പിന്റെ റാബീസ് ഫ്രീ കേരള പദ്ധതിയില് വളര്ത്തുനായ്ക്കളില് ഏപ്രില്മുതല് ഇതുവരെ 1.7 ലക്ഷം പ്രതിരോധ കുത്തിവെയ്പ്പെടുത്തു. 2021- 22ല് 1.94 ലക്ഷം കുത്തിവെയ്പ് നടത്തി. സെപ്തംബറില് വാക്സിനേഷന് മാസമായി കണക്കാക്കി പഞ്ചായത്തുകളില് ക്യാമ്പുകള് നടത്തുന്നുണ്ട്. മൃഗസംരക്ഷണ വകുപ്പ് അഞ്ചുലക്ഷം ഡോസ് വാക്സിന് മൃഗാശുപത്രികള്ക്ക് കൈമാറി. ബാക്കിയുള്ള ലക്ഷത്തോളം വാക്സിന് ഉടന് വിതരണംചെയ്യും.
പേവിഷബാധ തടയാന് തദ്ദേശ സ്ഥാപനങ്ങളും മൃഗസംരക്ഷണ വകുപ്പും ചേര്ന്നാണ് പദ്ധതികള് നടപ്പാക്കുന്നത്. സന്നദ്ധ സംഘടനകള്, റസിഡന്റ്സ് അസോസിയേഷനുകള് എന്നിവയുമായി ചേര്ന്ന് സ്കൂളുകളില് ഉള്പ്പെടെ വ്യാപക ബോധവല്ക്കരണ ക്യാമ്പയിന് സംഘടിപ്പിക്കും. സംസ്ഥാനത്ത് 30 എബിസി (അനിമല് ബര്ത്ത് കണ്ട്രോള്) സെന്റര് തുടങ്ങാനും നടപടി ആരംഭിച്ചു.
