തൃശൂര്: തൃശൂരില് ഒരാള് പേ വിഷബാധയേറ്റ് മരിച്ചു. പെരിഞ്ഞനം കോവിലകം സ്വദേശി പതുക്കാട്ടില് ഉണ്ണികൃഷ്ണന് (60) ആണ് തൃശൂര് മെഡിക്കല് കോളേജ് ആശുപത്രിയില് ചികിത്സയിലിരിക്കെ മരിച്ചത്. മൂന്ന് മാസം മുന്പാണ് നായക്കുട്ടിയുടെ കടിയേറ്റത്. മൂന്ന് ദിവസം മുമ്പ് അസ്വസ്ഥത തോന്നിയ ഉണ്ണികൃഷ്ണനെ ആദ്യം ഇരിങ്ങാലക്കുട ആശുപത്രിയിലും പിന്നീട് തൃശൂര് മെഡിക്കല് കോളേജ് ആശുപത്രിയിലും എത്തിക്കുകയായിരുന്നു. ഉണ്ണികൃഷ്ണന് വാക്സീന് എടുത്തിരുന്നില്ല.
