പത്തനംതിട്ട : കേന്ദ്രസര്ക്കാര് കേരളത്തില് പ്രഖ്യാപിച്ചിരിക്കുന്ന തീവ്ര വോട്ടര്പട്ടിക പരിഷ്കരണ നടപടികള് നടക്കുവാന് പോകുന്ന തദ്ദേശസ്വയംഭരണ സ്ഥാപന തിരഞ്ഞെടുപ്പ് നടപടികളെ ബാധിക്കുമെന്നും അതിനാല് തദ്ദേശ സ്വയംഭരണ തിരഞ്ഞെടുപ്പിനുശേഷം മാത്രം എസ്.ഐ.ആര് നടപടികള് കേരളത്തില് ആരംഭിക്കാവൂ എന്നും ജില്ലാ കോണ്ഗ്രസ് കമ്മിറ്റിയുടെ നേതൃത്വത്തില് ചേര്ന്ന ജില്ലയിലെ ബ്ലോക്ക് കോണ്ഗ്രസ് പ്രസിഡന്റുമാരുടെ യോഗം കേന്ദ്ര തെരഞ്ഞെടുപ്പ് കമ്മീഷനോട് ആവശ്യപ്പെട്ടു. കഴിഞ്ഞ ലോക്സഭാ തെരഞ്ഞെടുപ്പില് ഉപയോഗിച്ച പരിഷ്കരിച്ച വോട്ടര്പട്ടിക നിലനില്ക്കുമ്പോള് അത് പരിഗണിക്കാതെ വീണ്ടും പഴയകാല വോട്ടര് പട്ടിക അടിസ്ഥാനമാക്കി വോട്ടര് പട്ടിക പരിഷ്കരണ നടപടികളുമായി മുന്നോട്ടുപോകുന്നത് യഥാര്ത്ഥ വോട്ടര്മാരെ ഒഴിവാക്കുന്നതിനായിട്ടാണെന്ന് യോഗം കുറ്റപ്പെടുത്തി.
ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് അദ്ധ്യക്ഷത വഹിച്ചു. ഡി.സി.സി ഭാരവാഹികളായ എ. സുരേഷ് കുമാര്, സാമുവല് കിഴക്കുപുറം, കെ. ജാസിംകുട്ടി, പ്രൊഫ. പി.കെ. മോഹന്രാജ്, ജെറി മാത്യു സാം, ഈപ്പന് കുര്യന്, ആര്. ദേവകുമാര്, ദീനാമ്മ റോയി, സക്കറിയ വര്ഗീസ്, ബിജു വര്ഗീസ്, കെ. ശിവപ്രസാദ്, എബി മേക്കരിങ്ങാട്ട്, സിബി താഴത്തില്ലത്ത് എന്നിവര് പ്രസംഗിച്ചു.
