ന്യൂഡല്ഹി : പുരാന നങ്കലില് ബലാത്സംഗം ചെയ്ത് കൊല്ലപ്പെട്ട ഒന്പതുകാരിയുടെ വീട് കോണ്ഗ്രസ് നേതാവ് രാഹുല് ഗാന്ധി സന്ദര്ശിച്ചു. നീതി കിട്ടുംവരെ കൂടെയുണ്ടാകുമെന്ന് അദ്ദേഹം കുട്ടിയുടെ മാതാപിതാക്കള്ക്ക് ഉറപ്പ് നല്കി.
പെണ്കുട്ടിയെ പീഡനത്തിനിരയാക്കി കൊലപ്പെടുത്തിയ ശേഷം മൃതദേഹം ബലമായി ദഹിപ്പിച്ചുവെന്നാണ് കുടുംബത്തിന്റെ ആരോപണം. അവര്ക്ക് നീതി വേണം. തങ്ങള്ക്ക് നീതി ലഭിക്കുന്നില്ലെന്നും, സഹായിക്കണമെന്നും അവര് പറയുന്നു. ഞങ്ങള് അത് ചെയ്യും. അവര്ക്ക് നീതി ലഭിക്കുന്നതുവരെ അവരോടൊപ്പം ഉണ്ടാകുമെന്ന് ഞാന് ഉറപ്പുനല്കി.’- രാഹുല് ഗാന്ധി മാധ്യമങ്ങളോട് പറഞ്ഞു.
ഓഗസ്റ്റ് ഒന്നിനാണ് പെണ്കുട്ടി കൊല്ലപ്പെട്ടത്. ശ്മശാനത്തിലെ കൂളറില് വെള്ളമെടുക്കാന് പോയ പെണ്കുട്ടിയെ പിന്നെ മരിച്ച നിലയിലാണ് കണ്ടത്. കേസില് പൂജാരി ഉള്പ്പടെ നാലുപേരെ പോലീസ് അറസ്റ്റ് ചെയ്തിട്ടുണ്ട്.
