ന്യൂഡല്ഹി : പെഗാസസ് വിവാദത്തില് ആഭ്യന്തര മന്ത്രി അമിത് ഷാ രാജിവയ്ക്കണമെന്ന് രാഹുല് ഗാന്ധി. ഭീകരര്ക്കെതിരെ ഉപയോഗിക്കേണ്ട ആയുധം രാജ്യത്തിനെതിരെ മോദി ഉപയോഗിച്ചുവെന്നാണ് കോണ്ഗ്രസ് നേതാവിന്റെ കുറ്റപ്പെടുത്തല്. രാഷ്ട്രീയ നേട്ടങ്ങള്ക്ക് വേണ്ടി പെഗാസസ് ഉപയോഗിച്ചുവെന്ന് രാഹുല് ആരോപിക്കുന്നു. സുപ്രീം കോടതി ജഡ്ജിയുടെ ഫോണ് വരെ നിരീക്ഷിക്കപ്പെട്ടുവെന്ന് രാഹുല് ചൂണ്ടിക്കാട്ടി.
തന്റെ ഫോണ് ചോര്ത്തിയത് മാത്രമല്ലെ വിഷയമെന്നും ചോര്ത്തലിനെ ഭയക്കുന്നില്ലെന്നും രാഹുല് ഗാന്ധി പറയുന്നു. അഴിമതിക്കാരനല്ലെങ്കില് ഭയം വേണ്ടെന്നാണ് രാഹുലിന്റെ വിശദീകരണം. പെഗാസസ് സോഫ്റ്റ്വെയര് വാങ്ങിയോ ഉപയോഗിച്ചോ എന്ന് ചോദ്യത്തിന് കേന്ദ്ര സര്ക്കാര് ഉത്തരം പറയണമെന്നാണ് കോണ്ഗ്രസിന്റെ ആവശ്യം. പെഗാസസ് വിഷയത്തില് പാര്ലമെന്റില് ഇന്നും പ്രതിഷേധം തുടരുകയാണ്. ലോകസഭയില് പ്രതിപക്ഷം നടുത്തളത്തില് ഇറങ്ങി.