ഡല്ഹി: നാഷണല് ഹെറള്ഡ് കേസില് പാര്ട്ടി അധ്യക്ഷ സോണിയ ഗാന്ധിയെ ഇ.ഡി ചോദ്യംചെയ്യുന്നതിനെതിരെ ശക്തമായ പ്രതിഷേധമുയര്ത്തി കോണ്ഗ്രസ്. വിജയ്ചൗക്കില് കുത്തിയിരുന്ന് പ്രതിഷേധിച്ച രാഹുല് ഗാന്ധിയെ പോലീസ് കസ്റ്റഡിയിലെടുത്തു. കോണ്ഗ്രസ് എംപിമാരുടെ രാഷ്ട്രപതി ഭവന് മാര്ച്ച് പോലീസ് തടഞ്ഞത് സംഘര്ഷത്തിനിടയാക്കി. എം.പി മാരെ ബലംപ്രയോഗിച്ച് കസ്റ്റഡിയിലെടുത്തു. കൊടിക്കുന്നില് സുരേഷ്, രമ്യ ഹരിദാസ് എന്നിവരെ റോഡിലൂടെ വലിച്ചിഴച്ചു. എഐസിസി ആസ്ഥാനത്ത് ധര്ണയിരുന്നവരെയും കസ്റ്റഡിയിലെടുത്തു.രാവിലെ പതിനൊ ന്നിനാണ് ചോദ്യംചെയ്യലിനായി സോണിയ ഗാന്ധി ഇ.ഡി ഓഫീസില് ഹാജരായത്.
