ന്യൂഡല്‍ഹി: ചൈനയ്‌ക്കെതിരായി ഇന്ത്യന്‍ സൈന്യം മികച്ച രീതിയില്‍ തയാറെടുപ്പുകള്‍ നടത്തേണ്ടതുണ്ടെന്ന ആര്‍എസ്‌എസ് മേധാവി മോഹന്‍ ഭാഗവതിന്‍റെ പ്രസ്താവനയ്ക്കു പ്രതികരണവുമായി മുന്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. ഇന്ത്യയുടെ ഭൂമി ചൈന പിടിച്ചെടുത്തെന്ന സത്യം മോഹന്‍ ഭാഗവതിന് അറിയാമെന്ന് രാഹുല്‍ ഗാന്ധി ആരോപിച്ചു.
ചൈന ഇന്ത്യയുടെ ഭൂമി പിടിച്ചെടുത്തെന്ന യാഥാര്‍ഥ്യം മോഹന്‍ ഭാഗവതിനറിയാം. എന്നാല്‍ ഇക്കാര്യം തുറന്ന് പറയാന്‍ അദ്ദേഹത്തിന് ഭയമാണെന്നും രാഹുല്‍ പറഞ്ഞു. ചൈന ഇന്ത്യയുടെ ഭൂമി പിടിച്ചെടുത്തു. ഇന്ത്യന്‍ സര്‍ക്കാരും ആര്‍എസ്‌എസും ഇതിന് അനുവാദം നല്‍കിയെന്നതാണ് യാഥാര്‍ഥ്യം- രാഹുല്‍ ട്വീറ്റ് ചെയ്തു.
