ഹരിപ്പാട് : വനിതാ റെയില്വേ ഗേറ്റ് കീപ്പര്ക്ക് ജോലിക്കിടയില് പാമ്പ് കടിയേറ്റു. ഹരിപ്പാട്-ആലപ്പുഴ തീരദേശപാതയില് കരുവാറ്റ ഊട്ട്പറമ്പ് റെയില്വേ ക്രോസിലെ ഗേറ്റ് കീപ്പര്ക്കാണ് പാമ്പ് കടിയേറ്റത്. ട്രെയിന് കടന്നുപോകുന്നതിന് വേണ്ടി ഗേറ്റ് അടയ്ക്കാന് കയറുമ്പോഴാണ് പള്ളിപ്പാട് പുത്തന്പുരയില് ആര് സരിതയ്ക്ക് രാത്രി പാമ്പിന്റെ കടിയേറ്റത്. പ്രദേശവാസികള് എത്തിയാണ് റെയില്വേ സ്റ്റേഷനില് വിവരം അറിയിച്ചത്. ഹരിപ്പാട് ആശുപത്രിയില്നിന്നും ആംബുലന്സ് എത്തി സരിതയെ താലൂക്ക് ആശുപത്രിയില് എത്തിച്ചു. തുടര് ചികിത്സയ്ക്കായി വണ്ടാനം മെഡിക്കല് കോളേജ് ആശുപത്രിയിലേക്ക് മാറ്റി.
