തിരുവനന്തപുരം : സംസ്ഥാനത്ത് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്ക് സാധ്യത. ഉച്ചക്ക് 2 മണി മുതല് രാത്രി 10 മണിവരെയുള്ള സമയത്ത് ഇടിമിന്നലിനുള്ള സാധ്യത കൂടുതലാണ്. മലയോര മേഖലയിലുള്ളവര് കൂടുതല് ജാഗ്രത പാലിക്കണമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പില് പറയുന്നു. ഈ സമയങ്ങളിലെ ഇടിമിന്നല് അപകടകാരികള് ആണ്.
അവ മനുഷ്യ ജീവനും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങള്ക്കും വലിയ നാശനഷ്ടം സൃഷ്ടിക്കുന്നുണ്ട്. ഉച്ചയ്ക്ക് രണ്ടു മണി മുതല് രാത്രി പത്തുമണി വരെ അന്തരീക്ഷം മേഘാവൃതമാണെങ്കില് തുറസായ സ്ഥലത്തും ടെറസിലും കുട്ടികള് കളിക്കുന്നത് ഒഴിവാക്കണമെന്നും മുന്നറിയിപ്പില് പറഞ്ഞു. ഒപ്പം തന്നെ താപനില മൂന്ന് ഡിഗ്രി വരെ ഉയരാന് സാധ്യതയുള്ളതിനാല് ജാഗ്രത പാലിക്കണം.
