ലക്നോ : കഴിഞ്ഞ മൂന്ന് ദിവസത്തിനുള്ളില് ഉത്തര്പ്രദേശിലുണ്ടായ കനത്ത മഴയെ തുടര്ന്ന് 12 പേര് കൂടി മരണമടഞ്ഞു. ഇതോടെ മരിച്ചവരുടെ എണ്ണം 24 ആയി. മരണങ്ങള്ക്ക് കാരണമായത് മഴയെ തുടര്ന്ന് വീടും മതിലും തകര്ന്ന് വീണതാണ്. ഈ 12 മരണങ്ങള് റിപ്പോര്ട്ട് ചെയ്തത് ചിത്രകൂട്ട്, പ്രതാപ്ഗഡ്, അമേഠി, സുല്ത്താന്പുര് എന്നീ ജില്ലകളിലാണ്. ഒരു സ്ത്രീയും രണ്ട് കുട്ടികളും ഉള്പ്പടെ മൂന്ന് പേരാണ് ചിത്രകൂട്ട് ജില്ലയിലെ കാര്ഹി ഗ്രാമത്തില് വീട് തകര്ന്ന് മരിച്ചത്.
