മല്ലപ്പള്ളി : കുന്നന്താനം വില്ലേജ് ഓഫീസിനു മുന്നിലെ വെള്ളക്കെട്ട് പൊതുജനങ്ങൾക്കും ജീവനക്കാർക്കും ദുരിതമാകുന്നു. കുന്നന്താനം മുക്കൂർ റോസ് ടാറിംഗ് നടത്തിയതിൻ്റെ ഭാഗമായി വില്ലേജ് ഓഫീസിനു മുൻ ഭാഗത്ത് ലോക്ക് കട്ട ഇട്ടതാണ് മുകളിൽ നിന്നു ഒഴുകിയെത്തുന്ന മഴവെള്ളം പൂർണ്ണമായും വില്ലേജ് ഓഫീസിന്റെ പ്രവേശന കവാടത്തേക്കും മുറ്റത്തേക്ക് എത്തുന്നതിന് കാരണമായിരിക്കുന്നത്.
വെള്ളം കെട്ടികിടക്കുന്നതിനാൽ ചെളി നിറഞ്ഞതോടെ ഓഫീസിലേക്ക് കയറുന്നതിന് ഏറെ ബുദ്ധിമുട്ടുകയാണ്. ഈ ഭാഗത്ത് വെള്ളം കെട്ടികിടക്കാതെ ഒഴുകി പോകുന്നതിന് ഓട നിർമ്മിച്ച് സ്ലാബ് ഇടുകയാണ് പരിഹരം. ഇപ്പോൾ ചെളിവെള്ളത്തിൽ സിമന്റ് കട്ട നിരത്തി അതിനു മുകളിലുടെയാണ് വില്ലേജ് ഓഫീസിലേക്കും പുറത്തേക്കും ജീവനക്കാരും വിവിധ ആവശ്യങ്ങൾക്ക് വരുന്ന ജനങ്ങളും കയറുകയും ഇറങ്ങുകയും ചെയ്യുന്നത്. അധികൃതർ പരിഹാരം കാണണമെന്ന ആവശ്യം ശക്തമാണ്.