പത്തനംതിട്ട : ഇന്ത്യയുടെ പരമോന്നത കായിക ബഹുമതിയായ രാജീവ് ഗാന്ധി ഖേല്‍ രത്ന പുരസ്കാരത്തിന്റെ പേര് മാറ്റിയ കേന്ദ്ര സര്‍ക്കാര്‍ നടപടി അങ്ങേയറ്റം പ്രതിഷേധാര്‍ഹമെന്ന് കെ.പി.സി.സി ജനറല്‍ സെക്രട്ടറി കെ.ശിവദാസന്‍ നായര്‍ പറഞ്ഞു. രാജീവ് യൂത്ത് ഫൗണ്ടേഷന്‍ സംഘടിപ്പിച്ച “ഹൃദയത്തിലാണ് രാജീവ്ജി ” യുവജന പ്രതിഷേധ സദസ്സ് ഉദ്ഘാടനം ചെയ്യുകയായിരുന്നു അദ്ദേഹം.
ശാസ്ത്ര സാങ്കേതിക മേഖലയില്‍ സുശക്തമായ ഭാരതം സമ്മാനിച്ച രാജീവ് ഗാന്ധിയോടുള്ള കടുത്ത അനാദരവാണ് കേന്ദ്ര സര്‍ക്കാരിന്റെ ഭാഗത്ത് നിന്ന് ഉണ്ടായതെന്ന് അദ്ദേഹം കുറ്റപ്പെടുത്തി. ജില്ലാ ചെയര്‍മാന്‍ നഹാസ് പത്തനംതിട്ട അദ്ധ്യക്ഷത വഹിച്ചു. രാജീവ് യൂത്ത് ഫൗണ്ടേഷന്‍ ജില്ലാ വൈസ് ചെയര്‍മാന്‍ മനോഷ് ഇലന്തൂര്‍, ബ്ലോക്ക് കോണ്‍ഗ്രസ്സ് കമ്മറ്റി വൈസ് പ്രസിഡന്റ് ഷമീര്‍ തടത്തില്‍ , യൂത്ത് കോണ്‍ഗ്രസ്സ് ഇലന്തൂര്‍ മണ്ഡലം പ്രസിഡന്റ് ജിബിന്‍ ചിറക്കടവില്‍, ദേശീയ അസംഘടിത തൊഴിലാളി കോണ്‍ഗ്രസ്സ് ജില്ലാ വൈസ് പ്രസിഡന്റ് ബിജോയ് റ്റി മാര്‍ക്കോസ്, എല്‍.എസ്.യു.ഐ മുന്‍ മാധ്യമ വിഭാഗം കോ-ഓര്‍ഡിനേറ്റര്‍ തൗഫീഖ് രാജന്‍, നിസാം.യു, കോന്നി നിയോജക മണ്ഡലം ചെയര്‍മാന്‍ റിനോ മാത്യൂ മുളകുപാടം, ജോബിന്‍.കെ.ജോസ്, യൂത്ത് കോണ്‍ഗ്രസ്സ് ആറന്മുള അസംബ്ലി വൈസ് പ്രസിഡന്റ് മുഹമ്മദ് റാഫി, ഇരവിപേരൂര്‍ മണ്ഡലം ചെയര്‍മാന്‍ രെഞ്ചി തോമസ്, മുഹമ്മദ് സുഹൈല്‍, മുഹമ്മദ് റോഷന്‍ , സതീഷ് കുമാര്‍, രെഞ്ചു സതീഷ് എന്നിവര്‍ പങ്കെടുത്തു.
