കോന്നി : അപകടത്തിൽ പരുക്കേറ്റ് ചികിത്സയിൽ കഴിയുന്ന ടിപ്പർ ഡ്രൈവർ അങ്ങാടിക്കൽ വടക്ക് രാജേഷ്(30)ന് വകയാർ കൊല്ലൻപടി സി.പി.ഐ, എ ഐ റ്റി യു സി പ്രവർത്തകരുടെ നേതൃത്വത്തിൽ ചികിത്സ സഹായ ഫണ്ട് കൈമാറി. രാജേഷ് തിരുവന്തപുരത്ത് ചികിത്സയിൽ കഴിയുകയാണ്. ടിപ്പർ അസോസിയേഷൻ കൊടുമൺ ഏരിയ കമ്മറ്റി എക്സിക്യൂട്ടീവ് അംഗം റ്റി അനിൽകുമാർ എ ഐ റ്റി യു സി കൺവീനർ സന്തോഷിൽ നിന്ന് ഫണ്ട് ഏറ്റുവാങ്ങി. സന്തോഷ് കൊല്ലൻപടി, അൻസാരി കെ, അജി, നിസാർ എന്നിവർ പങ്കെടുത്തു.
