കൊച്ചി : ഇന്ധന വിലയിലൂടെ കേന്ദ്ര, സംസ്ഥാന സര്ക്കാരുകള് ജനങ്ങളെ കൊള്ളയടിക്കുകയാണെന്ന് പ്രതിപക്ഷ നേതാവ് രമേശ് ചെന്നിത്തല. 29 രൂപയ്ക്ക് വില്ക്കാന് കഴിയുന്ന പെട്രോളാണ് 90 രൂപയ്ക്ക് വില്ക്കുന്നത്. 200 ശതമാനം നികുതിയാണ് ചുമത്തുന്നത്. സംസ്ഥാനം അധിക നികുതി വരുമാനം വേണ്ടെന്ന് വെച്ച് ജനങ്ങള്ക്ക് ആശ്വാസം നല്കണമെന്നും ചെന്നിത്തല ആവശ്യപ്പെട്ടു.
കൊച്ചിയില് മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം.
കേന്ദ്രത്തില് ബിജെപി സര്ക്കാര് 11 തവണയാണ് എക്സൈസ് ഡ്യൂട്ടി വര്ദ്ധിപ്പിച്ചത്. 200 ശതമാനത്തിലേറെയാണ് കേന്ദ്രവും കേരളവും കൂടി വര്ദ്ധിപ്പിച്ചിരിക്കുന്ന നികുതിയെന്നും ചെന്നിത്തല ആരോപിച്ചു
