റാന്നി : സ്കൂൾ തുറന്ന സാഹചര്യത്തിൽ വാഹന ലഭ്യത കുറവ് കൊണ്ടോ വീട്ടിലെ മോശം സാഹചര്യങ്ങൾ കൊണ്ടോ വിദ്യാലയങ്ങളിൽ പോകാൻ സാധിക്കാത്ത കുട്ടികളെ കണ്ടെത്തി അവരുടെ പഠനം ഉറപ്പാക്കാന് വനമേഖലയിലെ ആദിവാസി മേഖലകള് സന്ദര്ശിച്ച് റാന്നി ബി.ആര്.സി ടീം. ബിപിസി ഷാജി എ സലാമിന്റെ നേതൃത്വത്തിലാണ് ക്ലെസ്റ്റർ കോ-ഓർഡിനേറ്റർമാർ വനമേഖലയിൽ എത്തിയത്.
ഡ്രോപ്പ് ഔട്ട് ആയിട്ടുള്ള കുട്ടികളെ കണ്ടെത്തി സമഗ്ര ശിക്ഷ കേരള റാന്നി പെരുനാട് ആരംഭിച്ച റസിഡൻഷ്യൽ ഹോസ്റ്റലിൽ എത്തിച്ച് പഠിപ്പിക്കുകയാണ് സംഘത്തിന്റെ ലക്ഷ്യം. ശബരിമല വാർഡിലെ മഞ്ഞത്തോട്, പ്ലാച്ചേരി ഭാഗങ്ങളിലാണ് അന്വേഷണം നടത്തിയത്. ഹോസ്റ്റലിന്റെ ചുമതലയുള്ള കോ-ഓർർഡിനേറ്റർ എസ്. ദിവ്യ ശ്രീ, ഹോസ്റ്റൽ വാർഡൻ ബിബിൻമോൻ, മഹിള സമഖ്യ സേവിക രജനി എന്നിവരാണ് മറ്റു സംഘാംഗംങ്ങള്.
