റാന്നി : റാന്നി വലിയപാലത്തിന്റെ അപ്രോച്ച് റോഡ് കയ്യേറി. കോടികൾ വിലമതിക്കുന്ന ഭൂമി കയ്യേറ്റക്കാരുടെ പിടിയിലമർന്നിട്ടും അതു വീണ്ടെടുക്കാൻ പിഡബ്ല്യുഡി പാലം വിഭാഗം തയാറായില്ല. പമ്പാനദിയിൽ തകർന്നുവീണ റാന്നി വലിയപാലത്തിന്റെ അപ്രോച്ച് റോഡ്യാണ് വഴിവാണിഭക്കാർ കയ്യേറിയിരിക്കുന്നത്. റാന്നി വലിയപാലം പമ്പാനദിയിൽ തകർന്നു വീണപ്പോൾ പുതിയ പാലം നിർമിച്ച് ഗതാഗതം സാധ്യമാക്കിയിരുന്നു. ഇതോടെ പഴയ പാലം കെട്ടിയടച്ചിരുന്നു. ഇതിന്റെ പഴവങ്ങാടി കരയിലെ സമീപന പാത തുറന്നു കിടക്കുകയാണ്.
പുനലൂർ–മൂവാറ്റുപുഴ പാതയും പുതിയ റാന്നി വലിയപാലവും കെഎസ്ടിപി ഏറ്റെടുത്തെങ്കിലും തകർന്നു വീണ പാലവും സമീപന റോഡും പിഡബ്ല്യുഡി പാലം വിഭാഗത്തിന്റെ കീഴിലാണ്. റോഡ് വികസനത്തിനായി കെഎസ്ടിപി ഏറ്റെടുത്ത ഭൂമിക്കു പുറത്തുള്ള സ്ഥലമാണിത്. തകർന്ന പാലത്തിന്റെ സമീപന റോഡിന്റെ ഭൂമി സംരക്ഷിക്കാനുള്ള ബാധ്യത കെഎസ്ടിപിക്കും പിഡബ്ല്യുഡി പാലം വിഭാഗത്തിനുമുണ്ട്. ഷെഡുകൾ കെട്ടി കച്ചവടം നടത്തുന്നതിനായി ഇവിടം വിട്ടു കൊടുക്കാതെ സ്ഥായിയായ നിർമാണങ്ങൾ നടത്തി സംരക്ഷിക്കണo എന്ന ആവശ്യം ശക്തമാണ്.