റാന്നി : മഴ കനക്കുന്നതോടെ മണ്ണിടിച്ചില് സാധ്യതയുള്ള പെരുനാട് പഞ്ചായത്തിലെ കിഴക്കന് മേഖലയിലെ വിവിധ പ്രദേശങ്ങളും ദുരിതാശ്വാസ ക്യാമ്പുകളും പ്രശ്നബാധിത മേഖലകളും അഡ്വ. പ്രമോദ് നാരായണ് എംഎല്എയുടെ നേതൃത്വത്തില് സന്ദര്ശിച്ചു.
പെരുനാട് പഞ്ചായത്തിലെ ഉള്പ്രദേശമായ മണക്കയം ബിമ്മരത്ത് മണ്ണിടിച്ചില് സാധ്യത കൂടുതല് ഉള്ളതിനാല് അവിടെയുള്ള 21 കുടുംബങ്ങളിലെ 83 ആളുകളെ ബിമ്മരം കമ്മ്യൂണിറ്റി ഹാളിലേക്ക് ഉടന്തന്നെ മാറ്റി പാര്പ്പിക്കാനും, ഭക്ഷണവും, കുടിവെള്ളവും മറ്റ് അടിസ്ഥാന സൗകര്യങ്ങളും ഉറപ്പാക്കുവാനും ബന്ധപ്പെട്ട ഉദ്യോഗസ്ഥര്ക്ക് നിര്ദേശം നല്കി.
ഇവിടേക്ക് ഒരു സിവില് പോലീസ് ഉദ്യോഗസ്ഥന്റെ സേവനം ഉറപ്പാക്കാന് പോലീസിനു നിര്ദേശം നല്കി. കമ്മ്യൂണിറ്റി ഹാളില് ആന്റിജന് ടെസ്റ്റ് ചെയ്യാനുള്ള സൗകര്യങ്ങളും, അവശ്യത്തിന് മരുന്നുകളും, പകര്ച്ചവ്യാധി പ്രതിരോധമരുന്നുകളും ഉറപ്പാക്കാന് ആരോഗ്യ വകുപ്പ് ഉദ്യോഗസ്ഥര്ക്കും നിര്ദേശം നല്കി. റാന്നി ബ്ലോക്ക് പഞ്ചായത്ത് പ്രസിഡന്റ് കെ.എസ്. ഗോപി, ഡെപ്യൂട്ടി കളക്ടര് രാജലക്ഷ്മി, തഹസീല്ദാര് നവീന് ബാബു, റോബിന് കെ. തോമസ് തുടങ്ങി വിവിധ ഉദ്യോഗസ്ഥരും ഒപ്പമുണ്ടായിരുന്നു.
