റാന്നി : ക്രിസ്തുമസ് നാളിൽ റാന്നി ജനമൈത്രി പോലീസിന്റെ ആഭിമുഖ്യത്തിൽ വയലത്തല ചിൽഡ്രൻസ് ഹോം, വൃദ്ധസദനം, പുതുമൺ കൃപാ ഭവൻ, അഞ്ചുകുഴി പ്രത്യാശാ ഭവൻ കാരുണ്യാശ്രമം എന്നിവിടങ്ങളിൽ എത്തി അവരോടൊപ്പം ക്രിസ്മസ് കേക്ക് മുറിച്ചും, അരി, പച്ചക്കറി എന്നിവ വിതരണം ചെയ്തും ക്രിസ്മസ് ആഘോഷിച്ചു. റാന്നി സ്റ്റേഷൻ ഹൗസ് ഓഫീസർ എം.ആർ സുരേഷ് കുമാർ ക്രിസ്തുമസ് പുതുവത്സര ആശംസകൾ നേർന്നു. സബ് ഇൻസ്പെക്ടർ ഹരി, സ്പെഷ്യൽ ബ്രാഞ്ച് ഓഫീസർ ഷാനവാസ്, ജനമൈത്രി സമിതി കോർഡിനേറ്റർ ശാസ്താം കോവിൽ, ജനമൈത്രി ബീറ്റ് ഓഫീസർമാരായ സുബിൻ, അശ്വതിഷ്, പോലീസ് ഓഫീസർമാരായ നിധീഷ്, വിനീത് സമിതി അംഗങ്ങളായ കെ.കെ സോമൻ, സുരേഷ് പുള്ളോലി, സുരേഷ് ജേക്കബ്, ജയ ജി നായർ, നിഷ രാജീവ്, മന്ദിരം രവീന്ദ്രൻ, ടി.വി മാത്യു, അൻസാരി എന്നിവർ പ്രവർത്തനങ്ങൾ പങ്കാളികളായി.
