റാന്നി: ഇട്ടിയപ്പാറ മിനര്വ്വാപടിയില് ടോറസ് ലോറി പൈപ്പുകുഴിയില് വീണതുമൂലം ഒരു മണിക്കൂര് ഗതാഗതം മുടങ്ങി. ഇന്ന് ഉച്ചയ്ക്ക് പന്ത്രണ്ടു മണിയോടെയാണ് പാറയുമായെത്തിയ ടോറസ് ടിപ്പര് ലോറിയുടെ ഇടതുവശത്തെ ചക്രങ്ങള് പൂര്ണ്ണമായും കുഴിയില് താണത്. പുനലൂര് – മൂവാറ്റുപുഴ സംസ്ഥാന പാതയുടെ നിര്മ്മാണം നടക്കുന്നതിനാല് ഇവിടെ ഗതാഗത നിയന്ത്രണം ഉണ്ടായിരുന്നു. റാന്നി മേജര് കുടിവെള്ള പദ്ധതിയുടെ പൈപ്പുകള് വശത്തേക്ക് മാറ്റി സ്ഥാപിച്ചിരുന്നു. ഇതിന്റെ ജോലികള് തുടരുന്നതിനിടയിലാണ് അപകടമുണ്ടായത്. ലോറി കുഴിയില്പ്പെട്ടതോടെ ഇട്ടിയപ്പാറ ബൈപ്പാസ് റോഡ് ഗതാഗതകുരുക്കിലായി. മെയിന് റോഡില് വലിയപറമ്പുപടി വരെയും ഗതാഗതകുരുക്ക് രൂപപ്പെട്ടു. ടൗണില് റോഡ് നിരപ്പാക്കുന്ന ജോലികള് തുടരുകയാണ്.
പാറയുമായെത്തിയ ടോറസ് ടിപ്പര് ചെളിയില് താണു
RECENT NEWS
Advertisment