റാന്നി: പുനലൂർ – മൂവാറ്റുപുഴ സംസ്ഥാന പാതയില് വാളിപ്ലാക്കലിനു സമീപം ചരക്കുമായി വന്ന വാൻ നിയന്ത്രണം വിട്ടു മറിഞ്ഞു. സംഭവത്തില് ആർക്കും പരിക്കില്ല. ഇന്നു വൈകുന്നേരം അഞ്ചു മണിയോടെയാണ് വാളിപ്ലാക്കല് സ്കൂളിന് മുൻ വശത്തായി അപകടം നടന്നത്. വളവിൽ മഴയത്ത് തെന്നിമാറിയതാണെന്ന് കരുതുന്നു. റാന്നി ഭാഗത്ത് നിന്ന് പത്തനംതിട്ടയിലേക്ക് പോകുകയായിരുന്നു വാന്. വീടിന്റെ മുറ്റത്തേക്കുള്ള വഴിയില് ക്രാഷ് ബാരിയറും തകര്ത്താണ് വാന് മറിഞ്ഞത്. പിന്നീട് ക്രെയിൻ ഉപയോഗിച്ച് വാൻ സ്ഥലത്തു നിന്നും എടുത്തു മാറ്റി.
