ഓയൂര് : പ്രായപൂര്ത്തിയാകാത്ത പെണ്കുട്ടിയെ ലൈംഗികമായി പീഡിപ്പിച്ച യുവാവ് അറസ്റ്റില്. അമ്പലംകുന്ന് വാളിയോട് അഭിജിത്ത് ഭവനില് അഭിജിത്തിനെ (24) യാണ് പോലിസ് പിടികൂടിയത്. കഴിഞ്ഞദിവസം കഠിനമായ വയറുവേദനയെത്തുടര്ന്ന് പെണ്കുട്ടിയെ താലൂക്ക് ആശുപത്രിയില് പ്രവേശിപ്പിക്കുകയായിരുന്നു. തുടര്ന്ന് നടത്തിയ പരിശോധനയിലാണ് കുട്ടി ഗര്ഭിണിയാണെന്ന് തെളിഞ്ഞത്.
തുടര്ന്ന് ആശുപത്രി അധികൃതര് പോലീസില് വിവരമറിയിക്കുകയായിരുന്നു. പൂയപ്പള്ളി എസ്.എച്ച്.ഒ. ബിജുവിന്റെ നിര്ദേശപ്രകാരം എസ്.ഐ അഭിലാഷ്, സ്പെഷ്യല് ബ്രാഞ്ച് എസ്.ഐ രമേശ്, എ.എസ്.ഐ. ചന്ദ്രകുമാര് എന്നിവരാണ് പ്രതിയെ അറസ്റ്റ് ചെയ്തത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
