കോയമ്പത്തൂര് : കോയമ്പത്തൂരില് 15 കാരിയെ ബലാത്സംഗം ചെയ്യുകയും ദൃശ്യങ്ങള് ക്യാമറയില് പകര്ത്തി പ്രചരിപ്പിക്കുകയും ചെയ്ത സംഭവത്തില് മൂന്ന് വിദ്യാര്ത്ഥികള് അറസ്റ്റില്.
പതിനൊന്നാം ക്ലാസില് പഠിക്കുന്ന പെണ്കുട്ടിയാണ് ബലാത്സംഗത്തിന് ഇരയായത്. പതിനൊന്നാം ക്ലാസിലും ഒമ്പതാം ക്ലാസിലും പഠിക്കുന്ന രണ്ട് പേര് ഇത് ക്യാമറയില് പകര്ത്തി സോഷ്യല് മീഡിയയിലൂടെ പ്രചരിപ്പിക്കുകയായിരുന്നു.
പോക്സോ നിയമപ്രകാരവും ഐടി ആക്ട് പ്രകാരവുമാണ് കേസെടുത്തിരിക്കുന്നത്. ആക്രമിക്കപ്പെട്ട പെണ്കുട്ടിയുടെ അമ്മ വര്ഷങ്ങള്ക്ക് മുമ്പ് മരിച്ചതാണെന്നും ട്രക്ക് ഡ്രൈവറായ അച്ഛന് മദ്യപാനിയാണെന്നും പോലീസ് പറഞ്ഞു.
