ജബല്പൂര്: മധ്യപ്രദേശിലെ കോണ്ഗ്രസ് എംഎല്എയായ ഉമംഗ് സിംഗാറിനെതിരെ പോലീസ് ബലാത്സംഗത്തിന് കേസെടുത്തു. തന്നെ ബലാത്സംഗം ചെയ്തെന്നും മാനസികമായി പീഡിപ്പിച്ചെന്നും ചൂണ്ടിക്കാട്ടി ജബല്പൂര് സ്വദേശിനി നല്കിയ പരാതിയിലാണ് നൗഗാവ് പോലീസിന്റെ നടപടി. ധാര് ജില്ലയിലെ ഗന്ധവാനി നിന്നുള്ള എംഎല്എയാണ് അദ്ദേഹം.
ഇന്ത്യന് ശിക്ഷാ നിയമത്തിലെ സെക്ഷന് 376 (ബലാത്സംഗം), 377 (പ്രകൃതിവിരുദ്ധമായ കുറ്റകൃത്യങ്ങള്), 498 (വിവാഹിതയായ സ്ത്രീയെ ക്രിമിനല് ഉദ്ദേശ്യത്തോടെ പിടിച്ചുകൊണ്ടുപോകല്/തടങ്കലില് വയ്ക്കല്) എന്നിവ പ്രകാരമാണ് എംഎല്എക്കെതിരെ കേസെടുത്തത്. ആദിവാസി സമൂഹത്തില് നിന്നുള്ള കോണ്ഗ്രസിന്റെ പ്രമുഖ നേതാവാണ് ഉമംഗ് സിംഗാര്. 2019-2020 കാലഘട്ടത്തില് സംസ്ഥാനത്തിന്റെ വനം മന്ത്രിയായിരുന്നു.