മഹാരാഷ്ട്ര : പുണെക്കു സമീപം കര്ജത് റെയില്വേ സ്റ്റേഷനില് യുവതിയെ പീഡിപ്പിച്ച ശേഷം ഒളിവില് പോയ പ്രതി പിടിയില്. 24 പര്ഗാനാസ് ജില്ലയിലെ ജയ്നഗര് മായാഹൗറി ഗസീര്ട്ടാല് സ്വദേശി ജയന്ത് ജയ്ദേവ് ഗാംഗുലിയാണ് അറസ്റ്റിലായത്. കോഴിക്കോട് നിന്നാണ് കര്ജത് റെയില്വേ പോലീസ് ഇയാളെ പിടികൂടിയത്.
കര്ജത് സ്റ്റേഷനിലെ ടിക്കറ്റ് ബുക്കിങ് കൗണ്ടറിലേക്ക് പോകാനായി പുണെ ദിശയിലുള്ള പാലത്തിന്റെ പടികളിറങ്ങി വരുമ്പോഴാണ് യുവതി അതിക്രമത്തിനിരയായത്. യുവതി നല്കിയ പരാതിയുടെ അടിസ്ഥാനത്തില് റെയില്വേ പാലത്തിലെ സി.സി.ടി.വി. ദൃശ്യങ്ങളും മറ്റുവിവരങ്ങളും പരിശോധിച്ചപ്പോള് പ്രതിയെ കുറിച്ച് സൂചന ലഭിച്ചു. തുടര്ന്ന് നടത്തിയ അന്വേഷണത്തില് ഇയാള് കോഴിക്കോട്ടുണ്ടെന്നറിഞ്ഞു. ശേഷം പോലീസ് സംഘം കോഴിക്കോട്ടെത്തി അറസ്റ്റ് ചെയ്യുകയായിരുന്നു.
