മലപ്പുറം : പ്രായപൂര്ത്തിയാകാത്ത പെണ്കുട്ടിയെ തട്ടിക്കൊണ്ടുപോയി കൂട്ടബലാത്സംഗത്തിനിരയാക്കിയ സംഭവത്തില് നാല് പേരെ പോലീസ് അറസ്റ്റ് ചെയ്തു.
പൂക്കോട്ടൂര് പള്ളിപ്പടി സ്വദേശി കോതടി മജീദ് (52) പൂക്കോട്ടൂര് സ്വദേശി തൊട്ടിപ്പാറമ്മല് കൃഷ്ണന് (54), പൂക്കോട്ടൂര് കെ പി അഷറഫ്(42) പൂക്കോട്ടൂരില് വാടകയ്ക്ക് താമസിക്കുന്ന തമിഴ്നാട് സ്വദേശി കതിരവന് എന്ന മാധവന് (35) എന്നിവരെയാണ് പോലീസ് അറസ്റ്റ് ചെയ്തത്.
കഴിഞ്ഞ സെപ്തംബര് 10 നാണ് കേസിനാസ്പദമായ സംഭവം നടക്കുന്നത്. പൂക്കോട്ടൂര് അറവങ്കരയിലുള്ള റൂമില്വെച്ച് പ്രതികള് പ്രായപൂര്ത്തിയാകാത്ത മലപ്പുറം സ്വദേശിനിയെ കൂട്ടബലാത്സംഗത്തിനിരയാക്കിയെന്നാണ് കേസ്. മലപ്പുറം ഡിവൈഎസ്പി അബ്ദുള് റഷീദിന്റെ നേതൃത്വത്തിലുള്ള സംഘമാണ് പ്രതികളെ അറസ്റ്റ് ചെയ്തത്. ഇവരെ റിമാന്ഡ് ചെയ്തു.
