കൊല്ലം : പുനലൂരില് പത്തൊന്പതുകാരിയെ ലൈംഗികമായി പീഡിപ്പിച്ച കേസില് വര്ക്കല സ്വദേശി അറസ്റ്റില്. ഇരുപത്തിയഞ്ചുകാരനായ സിദ്ദിഖ് ആണ് കേസില് അറസ്റ്റിലായത്. രണ്ട് വര്ഷമായി ഇയാള് പെണ്കുട്ടിയെ ലൈംഗികമായി പീഡിപ്പിച്ചു വരികയായിരുന്നു. കഴിഞ്ഞദിവസം പെണ്കുട്ടിയുടെ വീട്ടില് അതിക്രമിച്ചുകയറിയ പ്രതി പെണ്കുട്ടിയെയും വീട്ടുകാരെയും ഭീഷണിപ്പെടുത്താന് ശ്രമിച്ചതിനെ തുടര്ന്ന് പെണ്കുട്ടിയുടെ വീട്ടുകാര് പുനലൂര് പോലീസ് സ്റ്റേഷനില് പരാതി നല്കിയിരുന്നു. തുടര്ന്ന് പോലീസ് നടത്തിയ അന്വേഷണത്തിലാണ് പീഡനവിവരം പുറത്ത് വന്നത്.
പെണ്കുട്ടി പത്താം ക്ലാസില് പഠിക്കുന്ന സമയം മുതല് ഇന്സ്റ്റാഗ്രാം വഴി പരിചയപ്പെട്ട ഇയാള് ലൈംഗികമായി പീഡിപ്പിക്കുകയും പീഡനവിവരം പുറത്തുപറഞ്ഞാല് കുട്ടിയുടെ ഫോട്ടോകളും വീഡിയോകളും സോഷ്യല് മീഡിയ വഴി പ്രചരിപ്പിക്കുമെന്ന് പറഞ്ഞു ഭീഷണിപ്പെടുത്തുകയും ചെയ്തിരുന്നു. പ്രതിയെ കോടതിയില് ഹാജരാക്കി റിമാന്ഡ് ചെയ്തു.