ഓയൂര് : അലക്ഷ്യമായി റോഡിലൂടെ കാറോടിച്ചത് ചോദ്യം ചെയ്ത ആളിനെ വെട്ടി പരിക്കേല്പിച്ചു. ആക്കല് പാറവിള വീട്ടില് ഷെഹിന് ( 24 ) ആണ് അറസ്റ്റിലായത്. വെളിനല്ലൂര് പഞ്ചായത്തിലെ മുളയറച്ചാല് ജങ്ഷനില് വച്ച് കഴിഞ്ഞ ദിവസം രാത്രി 7.30 നാണ് സംഭവം.
പലതവണ അലക്ഷ്യമായി വാഹനം ഓടിച്ചതിന് ചോദ്യം ചെയ്ത മുളയറച്ചാല് താജുദ്ദീന് മന്സിലില് താഹ അലിയാര് കുഞ്ഞ് (38) എന്നയാളിനാണ് വെട്ടേറ്റത്. വാക്ക് തര്ക്കം വെട്ടില് കലാശിക്കുകയായിരുന്നു. പൂയപ്പള്ളി സി.ഐ രാജേഷിന്റെ നേതൃത്വത്തിലുള്ള പോലീസ് സംഘമാണ് പ്രതിയെ പിടികൂടിയത്. ഷെഹിനെതിരെ വേറെയും നിരവധി കേസുകള് നിലവിലുണ്ട്.
