തിരുവനന്തപുരം : സംസ്ഥാനത്ത് ഈ മാസം 27 മുതല് റേഷന് വിതരണം പഴയതുപോലെ രാവിലെ മുതല് വൈകിട്ടു വരെ ആക്കിയേക്കും. ഇ പോസ് മെഷീന് സെര്വറിലെ മെല്ലെപ്പോക്ക് കാരണം കുറച്ചു നാളായി പ്രവര്ത്തന സമയം പകുതി ജില്ലകള് വീതം രാവിലെയും വൈകിട്ടുമായി ക്രമീകരിച്ചിരിക്കുകയാണ്. സെര്വര് പ്രശ്നം പരിഹരിച്ചുവെന്ന് ഉദ്യോഗസ്ഥര് മന്ത്രി ജി.ആര് അനിലിനെ അറിയിച്ചു. ഇത് വിലയിരുത്താന് ഇന്ന് വിദഗ്ദ്ധരുമായുള്ള ഓണ്ലൈന് യോഗം നടക്കും. തുടര്ന്നാകും അന്തിമ തീരുമാനം.
