ലക്നൗ : റിപ്പബ്ലിക് ദിനത്തിന് മുന്നോടിയായി അയോധ്യയില് ട്രെയിന് പാളം തെറ്റിക്കാനുള്ള ശ്രമം. റിപ്പബ്ലിക് ദിനത്തില് വിവിധയിടങ്ങളില് ആക്രമണം നടത്താന് രാജ്യവിരുദ്ധ ശക്തികള് ശ്രമിക്കുന്നുണ്ടെന്ന് റിപ്പോര്ട്ടുകള് ലഭിച്ചിരുന്നു. ഉത്തര് പ്രദേശിലെ റെയില്വേ ട്രാക്കില് നിന്നും ആറു ബോള്ട്ടുകള് ഊരി മാറ്റി അപകടം ഉണ്ടാക്കാനുള്ള ശ്രമമാണ് നടന്നത്. ട്രാക്കില് പരിശോധനയ്ക്ക് ഇറങ്ങിയ ഉദ്യോഗസ്ഥന് ഇത് കണ്ടെത്തിയതോടെയാണ് വന് ദുരന്തം ഒഴിവായത്. അയോദ്ധ്യ – അചാര്യ നരേന്ദ്രദേവ് നഗര് പ്രദേശത്തുള്ള റെയില്വേ പാളത്തിലാണ് ബോള്ട്ടുകള് തുറന്ന് വച്ചിരുന്നത്.
ഇത് കണ്ടെത്തുന്നതിന് മുന്പ് മൂന്ന് ട്രെയിനുകള് അതിലൂടെ കടന്ന് പോയിരുന്നു. വിവരമറിഞ്ഞതോടെ റെയില്വേ ഉദ്യോഗസ്ഥര് ഉടന് സ്ഥലത്തെത്തി ട്രാക്ക് നന്നാക്കി. സംഭവത്തെ തുടര്ന്ന് ഉദ്യോഗസ്ഥര് റെയില്വേ പ്രൊട്ടക്ഷന് ഫോഴ്സില് പരാതി നല്കിയിട്ടുണ്ട്. സംഭവത്തില് കേസെടുത്ത് അന്വേഷണം ആരംഭിച്ചിട്ടുണ്ടെന്ന് പോലീസ് വ്യക്തമാക്കി.
